Դեսպան Վ․Հարությունյանի հանդիպումը ՀՀ-ում Կամբոջայի Թագավորության դեսպան Փ․Փիչկխունի հետ

08 սեպտեմբերի, 2023

Սեպտեմբերի 6-ին ՌԴ-ում ՀՀ դեսպան Վաղարշակ Հարությունյանը հանդիպել է ՀՀ-ում Կամբոջայի Թագավորության դեսպան (նստավայրը՝ ք․Մոսկվա) Փանհա Փիչկխունի հետ։

Հանդիպմանը քննարկվել են երկկողմ հարաբերությունների զարգացման հնարավորությունները տարբեր բնագավառներում և միջազգային կառույցների շրջանակներում, ինչպես նաև երկրների միջև հարաբերությունների հետագա խորացման հեռանկարները։

Դեսպան Վ.Հարությունյանը գործընկերոջը ներկայացրել է Հայաստանի Հանրապետության և Լեռնային Ղարաբաղի նկատմամբ Ադրբեջանի ագրեսիվ քաղաքականության արդյունքում տարածաշրջանում ստեղծված իրավիճակը։ Հատուկ ուշադրություն է հրավիրվել Ադրբեջանի կողմից պաշարված Լեռնային Ղարաբաղում առկա հումանիտար աղետին։

Տեղի է ունեցել նաև մտքերի լայն փոխանակություն՝ փոխադարձ հետաքրքրություն ներկայացնող հարցերի շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր